ஆர்.கே. நகர் தொகுதியில், எந்த சின்னத்தில் போட்டியிட்டாலும் தாம் வெற்றி பெறுவது உறுதி என, அ.இ.அ.தி.மு.க துணை பொதுச்செயலாளர் திரு டிடிவி தினகரன் தெரிவித்துள்ளார்.
ஆர்.கே.நகர் தொகுதி இடைத்தேர்தலில் அ.இ.அ.தி.மு.க. துணை பொதுச் செயலாளர் டிடிவி தினகரன் இன்று வேட்பு மனு தாக்கல் : புரட்சித் தலைவர் எம்.ஜி.ஆர். மற்றும் மாண்புமிகு அம்மாவின் நினைவிடத்தில் தினகரன் ஆசிப் பெற்றார்
ஆர்.கே.நகர் தொகுதி இடைத்தேர்தலில் அ.இ.அ.தி.மு.க. துணை பொதுச் செயலாளர் திரு. டிடிவி தினகரன், இன்று வேட்பு மனு தாக்கல் செய்யவுள்ளார். இதனை முன்னிட்டு, புரட்சித் தலைவர் எம்.ஜி.ஆர். மற்றும் மாண்புமிகு அம்மாவின் நினைவிடத்தில் தமது வேட்பு மனுவை வைத்து அவர் ஆசிப் பெற்றார்.
ஆர்.கே. நகர் தொகுதி இடைத்தேர்தலில் அ.இ.அ.தி.மு.க சார்பில் போட்டியிடும் கழக துணைப் பொதுச் செயலாளர் திரு. டிடிவி தினகரன், இன்று தமது வேட்பு மனுவை தாக்கல் செய்யவுள்ளார். இதனை முன்னிட்டு, தலைமைக்கழகத்தில் உள்ள புரட்சித்தலைவர் எம்.ஜி.ஆர். சிலைக்கு மாலை அணிவித்து அவர் மரியாதை செலுத்தினார். இதனைத்தொடர்ந்து, சென்னை மெரினா கடற்கரையில் அமைந்துள்ள எம்.ஜி.ஆர் மற்றும் அம்மா நினைவிடத்தில், கழக துணைப் பொதுச் செயலாளர் திரு. டிடிவி தினகரன் மலர்தூவி மரியாதை செலுத்தியதுடன், வேட்பு மனுவை வைத்து ஆசி பெற்றார்.
ஆர்.கே.நகர் தொகுதி இடைத்தேர்தலில் நிச்சயம் வெற்றி பெறுவேன் - மாண்புமிகு அம்மாவின் கனவுத்திட்டங்கள் அனைத்தும் நிச்சயம் நிறைவேற்றப்படும் : அ.இ.அ.தி.மு.க. துணை பொதுச் செயலாளர் டிடிவி. தினகரன் உறுதி
மக்களின் உழைப்பால், முயற்சியால், ஆர்.கே.நகர் தொகுதி இடைத்தேர்தலில் நிச்சயம் வெற்றி பெறுவேன் என்றும், மாண்புமிகு அம்மாவின் கனவுத்திட்டங்கள் அனைத்தும் நிச்சயம் நிறைவேற்றப்படும் என்றும் அ.இ.அ.தி.மு.க. துணை பொதுச் செயலாளர் திரு. டிடிவி. தினகரன் தெரிவித்துள்ளார்.
சென்னை தண்டையார்பேட்டையில் வேட்பாளர் அறிமுகக்கூட்டம் நடைபெற்றது. இதில், கழக துணைப் பொதுச் செயலாளரும், வேட்பாளருமான திரு. டிடிவி. தினகரன், முதலமைச்சர் திரு.எடப்பாடி கே.பழனிசாமி, அமைச்சர்கள் மற்றும் கழக நிர்வாகிகள் பங்கேற்றனர். இக்கூட்டத்தில் உரையாற்றிய கழக துணை பொதுச் செயலாளர் திரு. டிடிவி. தினகரன், மக்களின் உழைப்பால், முயற்சியால், ஆர்.கே.நகர் தொகுதி இடைத்தேர்தலில் நிச்சயம் வெற்றி பெறுவேன் என தெரிவித்தார். முன்னதாக, ஆர்.கே.நகர் தொகுதியில் அ.இ.அ.தி.மு.க சட்டமன்ற தலைமைத் தேர்தல் பணிமனையை முதலமைச்சர் திரு. எடப்பாடி கே.பழனிசாமி திறந்துவைத்தார். இந்நிகழ்ச்சியில், கழக துணைப் பொதுச் செயலாளர் திரு.டிடிவி தினகரன் மற்றும் அமைச்சர்கள், கழக நிர்வாகிகள் கலந்துகொண்டனர்.
ஆர்.கே.நகர் தொகுதியில் கழக துணைப் பொதுச்செயலாளர் டிடிவி தினகரனுக்கு பெருகும் மக்கள் ஆதரவு - மாண்புமிகு அம்மா மற்றும் சின்னம்மா ஆசி பெற்ற டிடிவி தினகரனை மாபெரும் வாக்குகள் வித்தியாசத்தில் வெற்றி பெறச் செய்வோம் என தொகுதி மக்கள் திட்டவட்டம்
மாண்புமிகு அம்மா மற்றும் கழகப் பொதுச்செயலாளர் சின்னம்மா ஆசியுடன் ஆர்.கே.நகர் தொகுதி இடைத்தேர்தலில் போட்டியிடும் கழக துணைப் பொதுச்செயலாளர் திரு.டிடிவி தினகரனுக்கு மக்களிடையே தொடர்ந்து ஆதரவு பெருகி வருகிறது. திரு. டிடிவி தினகரனை மாபெரும் வாக்குகள் வித்தியாசத்தில் வெற்றி பெறச் செய்வோம் அத்தொகுதியில் வசிக்கும் மீனவர்கள், இளைஞர்கள், உட்பட பல்வேறு தரப்பினரும் திட்டவட்டமாகத் தெரிவித்துள்ளனர்.
இரட்டை இலைச் சின்னம் முடக்கப்பட்டதற்கு கடும் எதிர்ப்பு
சின்னம்மாவுக்கு ஆதரவாக 122 சட்டமன்ற உறுப்பினர்கள் மற்றும் எம்.பி.க்கள், 95 சதவீத செயற்குழு, பொதுக்குழு உறுப்பினர்களின் ஆதரவு இருந்தபோதிலும், இரட்டை இலைச் சின்னம் முடக்கப்பட்டதற்கு பல்வேறு தரப்பினரும் கடும் எதிர்ப்புத் தெரிவித்துள்ளனர். சின்னம்மா இரட்டை இலையின் சின்னத்தை மீட்டெடுப்பார் என அவர்கள் உறுதிபடத் தெரிவித்தனர்.
Subscribe to:
Comments (Atom)